Ngā Waiata mō Te Rōpū Whakahau

The following songs have been written especially for use by Te Rōpū Whakahau members. They are usually sung as waiata kinaki kōrero to support speakers for our rōpū at pōwhiri and other formal occasions. Please ensure that these songs are used appropriately.

He Waiata Mā Te Rōpū Whakahau – Manaakitia rā nā Mikaere Kanawa, Te Rōpū Whakahau Hui-a-tau April 2011

Manaakitia rā ngā kohinga mātauranga
O te iwi, te hapū, te whānau, o te hunga tangata
Ngā kōrero āwhina, ngā kupu whakangungua
Hei ārahi i ngā tamariki mokopuna

Mahara ki ngā ōhākī o ngā tūpuna
Ngā taonga tuku iho ki te ao marama
Mauri tū, mauri aroha, mauri ora
Ko te kupu te ihi, te wehi, te wanawana

Marangaranga rā,  huakina te kūaha
Ki ngā kupu matau ki ngā kōrero nōnamata
Waiho i te toipoto, kaua i te toiroa
Piki ake te maunga teitei ki tōna taumata

Mahara ki ngā ōhākī o ngā tupuna
Ngā taonga tuku iho ki te ao marama
Mauri tū, mauri aroha, mauri ora
Ko te kupu te ihi, te wehi, te wanawana

Te Rōpū Whakahau
nā Hinureina Mangan i tuhi; nā Rangiiria Hedley te rangi, 1998

I te tau
Tahi mano, e iwa rau
iwa tekau mā waru
I rere ai te kōrero
Nō te haumiri o te uru
Te raukura e tākawe nei te rangi
Kimihia te kupu
Hei ‘tau i te kōrero
A tāne e
Mārama te kite
Te ara whāinga e
I a rātou mā
Kakama kapo i te ao
Rere ai te wai pene
Ko te rangi tēnā
Ko te whenua tēnā
Ko te iwi tēnā
Ko te reo tēnā
Te pō, te rā
Me te pono tonu ki a Io
Nō reira
Ko tēnei mātou
Ko Te Rōpū Whakahau
E mihi atu nei
He kaitiaki noa
I ngā taonga tuku iho a rātou mā
I waihotia ai hei ōranga mō te iwi
Nau mai haramai
Kua huaki te tatau o te whare
Whare ipurangi
Whare taonga
Whare pūpuru kōrero
Kimihia, tirohia, raweketia
Mā te kimi ka kite
Mā te kite ka mōhio
Mā te mōhio ka mārama
Kia whakatauki ake au
Kimihia te mea ngaro
Ngā kōrero nā ngā tūpuna
He taonga tuku iho
He taonga tuku iho, hi!

Te Kaha o te Aroha

E te iwi e
ānei ngā mihi nui
ki a koutou e mānaaki nei
i ngā taonga tapu.
Ko te aroha
me te tumanako
me te whakapono hoki
i tukua iho nei.
Mā te Arikinui
tātou katoa e ārahi
i roto i ngā mahi, mahi tupuna e.
Nāna i hōmai
te pounamu tapu rawa.
Kore e mutu ai te tangi nei
kōrero mai.

Play MP3 file (1 MB)

The authors of these songs are entitled to the full protection given by the Copyright Act 1994. No part of these waiata/songs may be altered, reproduced, distributed or copied without the permission of Te Rōpū Whakahau. Any unauthorised alteration, reproduction, distribution, copying or re-recording in any manner whatsoever will constitute infringement of such copyright.

Ehara i te Mea

Ehara i te mea
Nō naianei te aroha
Nō ngā tūpuna
I tuku iho, i tuku iho
Te whenua, te whenua
He oranga mō te iwi
Nō ngā tūpuna
I tuku iho, i tuku iho
Whakapono, tūmanako
He aroha ki te iwi
Nō ngā tūpuna
I tuku iho, i tuku iho

Te Aroha

Te aroha
Te whakapono
Me te rangimarie
Tātou, tātou e

E Toru ngā Mea

E toru ngā mea
Ngā mea nūnui
E ki anā te paipera
Whakapono, tūmanako
Ko te mea nui
Ko te aroha

Te Tai Aroha

nā Kereti Rautangata raua ko Whaerehuia Milroy

Ko te aroha anō he wai
E pupu ake anā
He awa e mapuna mai ana
I roto i te whatumanawa.

Ko te aroha anō he wai
E pupu ake anā
He awa e mapuna mai ana
I roto i te whatumanawa.

Ko tōnā matapuna he hōhonu
A ina ia ka rere anō
Ko tōnā matapuna he hohonu
A ina ia ka rere anō
He tai timu
He tai pari
He tai ope
He tai ora
He tai nui.