He tautōhito koe ki te hinonga me te hautūtanga hei ārahi ki anamata i tēnei umanga mātauranga e tiro whakamua ana?

He whai wāhitanga whakahirahira tēnei e taea ai te ārahi tētahi umanga e whakahōnore ana i te Tiriti i roto i āna mahi auaha e aro pū atu ana ki te mātauranga, waihoki, ka mahi ngātahi me tētahi rangapū mātanga e manawanui ana.

Ko tā te Tumu Whakarae, he kawe i te takohanga ki te whakapuaki i te aronga rautaki o te umanga, ā, ki te whakatupu ake i te whai huatanga o te taha pūtea, i te whai pānga hoki ki te pāpori, hei kōkiri tonu i ngā kaupapa āwhina tāngata a Tātai Aho Rau. Ka whakamōhio tōtika atu tēnei o ngā tūranga ki te Poari.

Me whai wāhi atu hoki ki ō pūmanawa me ō pūkenga, ko ēnei tūāhuatanga e whai ake nei:

  • Te mātauranga i whakamanahia ai hei tumu whakarae, hei kaiārahi hoki o tētahi umanga korahi, umanga matatini
  • Kua tautōhito ki te rāngai mātauranga, ā, e māramahia ana te hōkai nuku o te mātauranga ki Aotearoa
  • He mātau ki ngā tikanga Māori, ā, kua whakamana kētia tō whai huatanga ki te mahi mā te kākano-ruatanga o Aotearoa
  • He whakaaro hinonga, ā, he aronga nui kia tutuki ai ngā hua

He tino pūkenga ki te whakawhitiwhiti whakaaro, ki te tūhonohono ki ētahi atu, me te mahi ngātahi, ā, kia noho mātua rā aua pūkenga ki te iho o ō mahi.

Applications close 7 June 2020. Further information about this opportunity is available on the job vacancies page.

Written by Te Paea Paringatai