He Karakia
He hōnore, he kororia ki te Atua
He maungārongo ki te whenua
He whakaaro pai ki ngā tangata katoa
Hanga e te Atua he ngākau hou
Ki roto ki tēnā, ki tēnā o mātou
Whakatongia tōu wairua tapu
Hei āwhina, hei tohutohu i a mātou
Hei ako hoki i ngā kupu
I roto i tēnei mahi.
Ake, ake
āmine
He Karakia Tīmatanga Tawhito
Whaiā, whaiā
Whaiā ki te uru tapu nui o Tāne
Tāne te waiora, Tāne te pūkenga
Tāne te toko rangi
Puta ki te whaiao, ki te ao mārama
Tū te ngana, tū te maranga, te tuhi te raramā
E noho te mataara nei
E rongo whakairia ake ki runga
Kia tina! Tina! Hui e! Tāiki e!
He Karakia Tīmatanga Hou
E tō mātou Matua nui i te rangi,
Kia tapu tou ingoa.
Kia tae mai tou rangatiratanga.
Kia meatia tau e pai ai ki runga i te whenua,
kia rite anō ki tō te rangi.
Homai ki a mātou aianei he taro mā mātou mō tēnei rā.
Murua ō mātou hara, me mātou hoki e muru nei
i ō te hunga e hara ana ki a mātou.
Aua hoki mātou e kawea kia whakawaia;
engari whakaorangia mātou i te kino.
Nou hoki te rangatiratanga, te kaha me te kororia
Ake, ake, āmine.
He Karakia Whakamutunga Tawhito
Unuhia, unuhia
Unuhia ki te uru tapu nui
Kia wātea, kia māmā, te ngākau, te tinana, te wairua i te ara takatā
Koia rā e rongo whakairia ake ki runga
Kia tina! Tina! Hui e! Tāiki e!
He Karakia Whakamutunga Hou
Kia tau ki a tātou katoa
Te atawhai o tō tātou āriki, a Ihu Karaiti
Me te aroha o te atua
Me te whīwhingātahitanga ki te wairua tapu
Ake, ake tonu atu
āmine.
He Karakia Tawhito mō te Whakapai Kai
Nau mai e ngā hua o te wao,o te ngākina, o te wai tai, o te wai Māori.
Nā Rongo, nā Tāne, nā Tangaroa, nā Maru.
Ko Ranginui e tū nei. Ko Papatuānuku e takoto nei.
Tūturu whakamāua kia tina!
Tina! Hui e! Tāiki e!
He Karakia Hou mō te Whakapai Kai
E te Atua whakapaingia ēnei kai.
Hei oranga mō ō mātou tinana.
Whangaia hoki ō mātou wairua ki te taro o te ora.
Ko Ihu Karaiti tō mātou kaiwhakaora.