18/358 Principal Advisor

Type: Permanent
Hours: Full time
Location: Wellington
Business Group: Archives New Zealand
Branch: Information and Knowledge Services
Salary: $84,301 – $114,054

KAITOHUTOHU MATUA (Ratonga Māori)

E kimi ana a Te Rua Mahara o te Kāwanatanga i tētahi Kaitohutohu Matua. He tūranga matua tēnei i roto i ngā mahi o tēnei whakahaere.

Tērā rā ngā aho takimaha o te hōtaka whakahou kaupapa a Te Rua Mahara o te Kāwanatanga kei te whakakaha i tō mātau arotahi ki ā mātau ratonga e whakaratoa ana ki ngā iwi me Ngāi Māori. Nā konei, kua huri a Te Rua Mahara o te Kāwanatanga ki te rapu he Kaitohutohu Matua e aro ana ki ngā ratonga Māori.

Kei Te Whanga-nui-a-Tara tēnei tūranga, kei roto i te rōpū mō ngā Ratonga Rautaki, Whakahaere hoki.

Mō tēnei tūranga, me tino matatau te tangata ki ngā āhuatanga o te Ao Māori, ka riro māna e whakatinana mai ko Te Rautaki Rua Kāwanatanga 2057 e whakahou nei i ngā ratonga ka whakaratoa ki ngā iwi me Ngāi Māori. Me mōhio pū te tangata ki ngā mahi a Te Rua Mahara o Te Kāwanatanga ki ngā iwi me Ngāi Māori. Me whai āheinga hoki te tangata ki ngā mahi rautaki hoki. Ka mahi te Kaitohutohu Matua nei ki ngā wāhanga me ngā kaupapa katoa a Te Rua Mahara o Aotearoa.

E angitu ai koe ki tēnei tūranga, me:

  • matatau ki ngā āhuatanga o te Ao Māori, tae atu ki te reo Māori me te whai wāhi hoki ki tōu ake iwi
  • whai mana, me whai pūkenga hoki ki te whakatipu, ki te poipoi, ki te pupuri hoki i ngā hononga ki ngā iwi me Ngāi Māori puta noa i te motu, tae atu ki ngā mahi ka tohua ki ngā Reta Whakapūmau e hua ana i ngā Whakataunga Tiriti
  • whai āheinga ki te whakahono i a Te Rua Mahara o te Kāwanatanga ki a Ngāi Māori
  • mārama pū ki ngā hiahia mōhiohio o ngā iwi me Ngāi Māori, ā, ki ngā mahi hei mahi mā Te Rua Mahara o te Kāwanatanga e tutuki ai ēnei hiahia
  • tino mōhio ki ngā mahi a Te Rua Mahara o te Kāwanatanga ki ngā iwi me Ngāi Māori.
  • whai mātauranga hei āwhina i ngā mahi whakarite kaupapahere, tikanga whakahaere hoki mō te whakahaere mōhiohio e tautokona ai ngā hiahia o Ngāi Māori
  • whai āheinga ki te whakaaro ā-rautaki nei, ki te āwhina hoki i ngā mahi whakahaere, ratonga, hōtaka matua hoki
  • whai āheinga ki te tohutohu, ki te whakaaweawe hoki i te kapa ārahi o Te Rua Mahara o te Kāwanatanga, i Te Tari Taiwhenua whānui, puta noa i te Kāwanatanga me te rāngai mōhiohio hoki.

Ka taea te pānui tūranga katoa te rapu mai i a Cohesion: Principal Advisor. Ka noho tēnei tūranga ki te Taumata Utu I: $84,301 – $114,054. Mehemea ka taea e koe tēnei tūranga ki Pōneke te whakakī, me tuku mai i tō Tātai Pūmanawa ki a Polly Martin: Polly.Martin@dia.govt.nz te 24 o Here-turi-kōkā, 2018.

Applications close: 5pm, Friday 24 August 2018

For more information please contact: Polly Martin (Director Holdings and Discovery) on +64 4 894 6067 or through polly.martin@dia.govt.nz

To apply and view the full job description please visit https://www.bfound.net/detail.aspx?jobId=145102&CoId=164&rq=1